ВЕТА: Сайт енді ғана іске қосылды. Қазіргі кезде оны жетілдірудеміз. Егер қате тапсаңыз, bugs@sc.edu.gov.kz мекен-жайына жазыңыз

Қазақстанда маусымдық тұмауға қарсы вакцина жасалды

10 қаңтар 2017 2057

Биыл еліміздің тұрғындары маусымдық тұмауға қарсы отандық вакцинаны пайдалана бастайды. ҒЗИ бас директорының орынбасары Берік Хайруллиннің жетекшілігімен биологиялық қауіп проблемалары институтында алғашқы қазақстандық вакцина жасалды. 

Үш валентті сплит-вакцинаны клиникалыық зерттеудің бірінші фазасы аяқталды. Бүгінде Қазақстан жыл сайын препаратты шетелден сатып алуға мәжбүр, бірақ жаңадан жасалған отандық аналог шетелдік препараттардан еш кем емес. Жүргізілген зерттеулердің қорытындысы бойынша сыналған вакцина зиянсыз және иммуногенді болып табылады және ҚР мемлекеттік фармакопия талаптары мен еуропалық критерийлерге сәйкес келеді.

«Жоба 2016 жылы аяқталды, бірақ вакциналарды жасау үшін жеке зауыт қажет. Отандық препарат бағасы мен сапасы жағынан шетелдік аналогтардан кем болмайды. Қазіргі кезде Қазақстанда маусымдық тұмауға қарсы вакциналар сатылмайды. GMP халықаралық стандартына сай келетін зауыттың құрылысына жұмсалатын шығын 3–4 жылда ақталады деп күтілуде», – дейді Берік Хайруллин.

Жоба аясында вакцинаны клиникалық зерттеудің бірінші фазасына еріктілерді жинау критерийлері бойынша волонтерлар скринингтен өткізілді, сонымен қатар, клиникалық зерттеулердің екінші фазасына вакцинаның тәжірибелік-өнеркәсіптік сериясы әзірленді.Зауыттың құрылысы биологиялық қауіп ҒЗИ-дің биопрепараттар сатудан түскен қаржысы есебінен жүргізілуде.

Айта кетейік, 2011 жылы ҒЗИ Швейцарияда маусымдық тұмауға қарсы вакцинаны жасау бойынша Дүниежүзілік денсаулық сақтау ұйымының тендерін жеңіп алған болатын. 

Шағымдар мен ұсыныстар

Жалоба

Ваше обращение успешно отправлено